അനുഭൂതി....

ഒരു ഇളം കാറ്റടിക്കുന്നു. കലുങ്കിഷമായ മനസിനെ കുറച്ചൊന്നു ശാന്തമാക്കി അത് കടന്നു പോയി. എവിടെ നിന്നെന്നറിയാതെ ഒഴുകികൊണ്ടിരിക്കുന്ന ഒരു അരുവിയുടെ ശബ്ദം ചെവിയെ തഴുകി കൊണ്ടിരുന്നു. ഒരു വലിയ താഴ്വര. പരന്നു കിടക്കുന്ന ഒരു സുന്ദരമായ താഴ്വര. ഇവിടെ ഒറ്റയ്ക്ക്. പൂക്കളും പുല്ക്കളും തഴുകി കൊണ്ടിരുന്നു. ആകാശം അതിനെ മുട്ടി നില്‍ക്കുന്നു. മനസ്സ് നിറയെ ഈ സുന്ദര ദൃശ്യത്തില്‍ ലയിച്ചു. ഈ താഴ്വരയിലെ പ്രകാശം ഞാന്‍ തന്നെ ആണോ എന്ന തോന്നല്‍. മനസ്സില്‍ വേറേ ഒന്നിനും ഇപ്പോള്‍ സ്ഥാനം ഇല്ല..കൈകള്‍, കാലുകള്‍, ചെവി, എന്നുവേണ്ട ശരീരത്തിന്റെ എല്ലാ ഭാഗവും മനസ്സും ഒന്നേ ചേരുന്ന ഈ അവസ്ഥ..ഒരു പരമാനന്ദ സുഖം തന്നെ..ഉണര്‍ന്നപ്പോള്‍ കേട്ടത് ഇതാണ്.."ആകാശ വാണി തൃശൂര്‍..കര്‍ണ്ണാടക സംഗീത അരങ്ങില്‍ ഇത് വരെ കേട്ടത് ശ്രീ എം ഡി രാമനാഥന്‍ പാടിയ കൃതികള്‍ ........."